पार्केटिङ्ग
आजकल सबैभन्दा लोकप्रिय प्रकारको फ्लोरिंगलाई पार्केट उड फ्लोरिङ भनिन्छ। पार्केट फ्लोरिंग एक प्रकारको काठको डिजाइन हो जुन साना ब्लकहरू वा काठको स्ट्रिपहरूबाट बनाइन्छ। जुन ज्यामितीय ढाँचामा सिर्जना गरिन्छ।सबैभन्दा सामान्य डिजाइन भनेको स्क्वायर डिजाइन हो। यो एक सजावटी तत्व हो जसले भुइँलाई सफा र राम्रो बनाउछ। पार्केट मुख्यतया ओक,अखरोट, म्यापल, चेरी र विदेशी हार्ड उडहरुबाट बनाइन्छ।यसलाई धेरै डिजाइनमा निर्माण गर्न सकिन्छ। लोकप्रिय डिजाइन जस्तै : हेरिंगबोन, भर्साइल,चान्टिली,चेकरबोर्ड,बास्केट समाबेश छ।यदि यसलाई सहि रुपमा मर्मत गरिएको छ भने यो लामॊ समयसम्म टिक्छ।
पार्केटिंगका फाइदाहरु :
आकर्षक उपस्थिति:
पार्केट फ्लोरिङले उत्कृष्ट र मनमोहन लुक दिन्छ जुन कुनै पनि जीवनशैली, टेस्ट र तपाईले चाहानु भएको लुकसँग मिलाउन सकिन्छ। काठका टुक्राहरूको डिजाइन व्यवस्थित गरिएको हुनाले, तपाईंले कुनै एक छनौट गरी कोठालाई डिजाइन गर्न सक्नुहुनेछ। पार्केटिंगले घरलाई कलात्मक र सुन्दर राख्न सहयोग गर्दछ।
सफा गर्न सजिलो:
पार्केट फ्लोर सफा गर्नको लागि एकदम सजिलो हुन्छ यसलाई दिनहु बडार्ने र पुछ्ने मात्र गर्नुपर्दछ। पार्केटमा दागहरु बस्दैन र गंदहरु पनि सोस्दैन। सकेसम्म थोरै पानी र क्लिनर प्रयोग गरी यसलाई सफा गरिन्छ।
दिगोपन :
पार्केट फ्लोरिंग धेरैनै बलियो र टिकाउ हुन्छ यसको आयु पनि धेरै बर्षको हुन्छ।
अनुकूल बजेट:
पार्केट फ्लोरिंग लगभग कुनै पनि बजेटमा फिट हुन सक्छ। यसको धेरै विकल्पहरू छन्। यो धेरै प्रकारको काठमा उपलब्ध हुन्छ, कम खर्च र डिजाइनमा पनि पार्केटिंग राख्न सकिन्छ।
हलुका:
पार्केटिंग हलुका हुने गर्दछ जसको कारणले यसलाई ल्याउन पुर्याउन र फिट गर्न सजिलो हुन्छ।
फिट गर्न सजिलो:
पार्केटिंग फ़्लॊरिङ्ग लगाउन सजिलो हुन्छ, जो घरधनी professional पार्केटरलाई अफोर्ड गर्न सक्दैन उनीहरु आफैले पनि लगाउन सकिन्छ।
नन एलर्जि:
गलैंचा जस्तो नभई,जसले धुलो, फोहोर र एलर्जीहरूलाई आदानप्रधान गर्न सक्छ, पार्केट फ्लोरिंगले यी अनावश्यक अतिथिहरूको लागि कुनै ठाउँ प्रदान गर्दैन। एलर्जी हुने जोखिम रहेकाले साना बालबालिका भएका परिवारहरू र एलर्जी भएका मानिसहरूका लागि यो उत्कृष्ट छनोट हो।
पार्केटिंगका बेफाइदाहरु :
पार्केटिंग फ्लोरिंग काठबाट भन्ने भएकाले यसलाई पानीले बिगार्नसक्छ।
पार्केटिंग फ्लोरिंग माथि गरुङ्गो समान राख्नु हुदैन किनकि यो फुट्न र च्यातिन सक्छ।
यो फ्लोरिंग महँगो हुने गर्दछ जसका कारण न्युन बर्गीय परिवारको आर्थिक स्थिति ले गर्दा प्रयोग गर्न सक्दैन।
देख्दा राम्रो देखिएपनि यसमा खरोच आउछ र यसले गर्दा यो नराम्रो देखिन्छ।
सधै घाममा परिरह्यो भने यसको रंग उड्न सक्छ र नराम्रो देखिन्छ
यसलाई मर्मतसम्भार गर्न महँगो हुन्छ।
पार्केटिंगलाई लामो समयसम्म राम्रो, टिकाउ बनाउनका लागि गरिने उपायहरु:
बाहिरबाट आउने धुलोले पार्केटलाई फोहोर नबनाओस भनेर घरको ढोकामा गलैँचा बिछ्याउनुहोस।
घरमा जुत्ता चप्पल नलगाउने
पानी वा अन्य तरल पदार्थ पोखियो भने,यसलाई तुरुन्तै नरम कपडाले पुछ्नुहोस्
प्रत्येक पटक सफा गर्दा भ्याकुम प्रयोग नगर्नुहोस्।
कुर्सी र अन्य फर्निचरको खुट्टालाई कपडा वा स्पन्जले कभर गर्नुहोस
पार्केटिंगका बिशेषताहरु:
सफा गर्न सजिलो, चिसो तातोमा खास असर नपर्ने, किरा-धमिरा वा सामान्य पानीले असर नपार्ने र टिकाउ तथा बलियो हुने
हार्डउड फ्लोरिंग हार्डउड फ्लोरिंग दुवै पार्केट र प्लांक डिजाइन मा उपलब्ध हुन्छ
हार्डउडको फ्लोरिंग स्टाइलिश र टाईमलेस हुन्छन यसले घरको कुनै पनि क्षेत्रमा प्राकृतिक आकर्षण र न्यानोपन थप्नेछन यसलाई प्लाङ्क पनि भन्ने गरिन्छ प्लाङ्क शैली फ्लोरिंग पनि धेरै बहुमुखी छ। यो तपाईंको घरको लगभग कुनै पनि कोठामा या सिँढीमा समेत फिट गर्न सकिन्छ
हार्डउड फ्लोरिंग र पार्केटिंग बीचको भिन्नता :
पार्केटिंग ब्लकहरू प्लांक शैलीको काठको फ्लोरिंग भन्दा धेरै सानो हुन्छन्।
सुन्दर ज्यामितीय डिजाइनद्वारा पार्केट ब्लकहरूको सिर्जना गर्न सकिन्छ।
दुबैलाइ सफा गर्न सजिलो छ।
दुबैका लागि मिल्दो फ्लोरिंग डिजाइनक सामानहरू पाइन्छ
प्लान्क शैलीको काठ सिँढीमा फिट गर्न सकिन्छ जबकि पार्केटको डिजाइन फिट गर्न सक्दैन।
सही रूपमा स्थापना गरियो र राम्रोसँग हेरचाह गरियो भने दुवै धेरै वर्षसम्म टिक्न सक्छ।
जब यो पार्केट फ्लोरिंग स्थापना गर्ने कुरा आउँछ,यो दक्ष व्यक्तिद्वारा गरिने काम हो। यो एक समय मा तातो बिटुमेन संग राखिएको हुन्छ र यसलाई एडेसिभ प्रयोग गरि स्थापना गरिन्छ यो सफा गर्न पनि सजिलो हुन्छ र पार्केट फ्लोरिंग सामान्यतया हलवे वेडरुममा राखिन्छ